صعيدي

و ايش تعمل الشومة ف خلق ع النابلم مفطومة
 بعيد عليكوا الصعيد و لا البعيد غافل وصل شكانا البريد ولا البريد قافل
 ايش تعمل الشومة فى خلق مفطومة على النابلم يا خال ..لا يهمها حكومة ولا حبس بالكومة ..ولا موتة جوا شوال

5 hours ago via web

منقولين

المسئولين

شوف الفيديو دا

هما الجماعة اللي المفروض بيمشوا البلد مش واخدين بالهم ان كل يوم في وقفات احتجاجية و اضرابات ، سيادة المسئول انا عارف ان الشارع مش مكيف زي مكتبك ، بس معلش تعالي علي نفسك و انزل شوفني عايز ايه ، و الله ان عايز اشوف شغلي ولا دراستي مش فاضي افضل واقف هنا ليل و نهار ، من فضلك ساعدني و حس بيا عشان اعرف اروح اشوف اللي واريا.
 كمان عجلة الانتاج اللي واجعاك دي "اذا كانت موجودة " ترجع تشتغل تاني و اذا ما كانتش هانخترع واحدة و نشغلها 

ُثورة السنين...!

هريتونا ليل و نهار الثورة عملت الثورة سوت ، الثورة المضادة ، استرداد الثورة ، بالمناسبة لما انت مش واثق فيه سلفتهاله ليه؟!

   الثورة من ضمن معانيها في اللغة : ثار عليه: تمرَّد عليه وأعلن الثورة والعصيان "ثار على النظام/ التعسُّف/ الظلم/ الفساد".

"من وجهة نظري المتواضعة " الثورة يعني التغيير ، تغيير ايه ؟! اول حاجة اني انا اللي اتغير ، اغير ايه ؟ كل حاجة شايف انها غلط و الامثلة كتير منها مثلا الغش في الامتحانات و بعدين انا مالي اصلا كل واحد ادري بحاله .

مما سبق نستنتج ان : انا لازم اغير نفسي و اخليها احسن ، و من ثم دا هاينعكس علي البلد (اصل مش معقول يعني الناس هتبقي كويسة  و بلدنا هاتبقي وحشة )  

الثورة كمان قامت عشان الفساد " مانت يا برنس لما تدفع رشوة تبقي فاسد " هتقولي كان غصب عني ، ماشي عفي الله عما سلف . المهم دلوقت بكرة لو في حاجة عطلت معاك هتدفع و لا ايه ؟! .

بالمناسبة لو هاتقولي انت مالك ، و ضبط نفسك الاول يا عم الامور و بعدين ابقي 


اتكلم.  انا هارد اقولك اوكي براحتك بس متخوتنيش بقي كل يوم "البلد مش عارف 


مالها و بتاع" عشان دا جزء منه راجع لاننا مش بنراعي بعض ، مثلا المجلس مصدر الطرشة و مش بيسمع لطلبات الناس عشان كده الناس بتعترض و اللي حصل في 


الاخر ان العجلة المسكينة هي اللي حالها وقف "احنا اسفين يا عجلة " 

لا يَكُونُ أَحَدُكُمْ إِمَّعَةً

معاني الإمعة تنتظم في معان محددة هي:

(1) ليس له رأي خاص به.

(2) ليس له موقف خاص به.

(3) ليس لديه عزم على اتخاذ موقف مغاير لمن حوله.

(4) يعمل وفق منظومة الضرر للذات والنفع للجميع أو النفع للذات فقط .

(5) يجيد فن إيقاع اللوم على الجميع ما عداه.

وأول العلاج المصارحة، وأول الطريق معرفته، وأول السير العزم،

السلبية مرض لازم تخلص منه ، لازم يكون لك رأي .ليه ؟؟ عشان دا رأيك بيعبر عنك كمان اذا مقولتش رأيك ممكن تلاقي نفسك بتعمل حاجة مش حاببها او مش عايز تعملها ، قول رأيك ما تخافش ولا تتكسفش . البديل لانك تقول رأيك هو انك تبقي " حافظ مش فاهم " طبعا الكلام دا مينفعش لسبب بسيط هو ان لو حد اتناقش معاك مش هتعرف ترد عليه و هتحس بينك و بين نفسك انك "بغبغان زنجباري نادر" . كمان من البديهي انك لو مالكش رأي مش هيبقي ليك موقف و هتفضل رايح مع الراييحين و جاي مع الجايين.

 لما تبقي مهتم بموصوع اقرا عنه اسأل الناس اللي بتفهم فيه اوعي تتكسف من كونك مش عارف ، لما تعرف معلومات اكتر دا هايساعدك في تكوين وجهة نظرك عن الموضوع ، يمكن بعد ما مخك ينور بالمعلومات تكتشف ان الموضوع اللي انت كنت مهتم بيه مش مفيد او انك كنت فاهم غلط. قول رأيك و متبقاش أمعة.

?????????

حسب ماقيل لي ان الهوية الثقافية هي مجموعة العادات و التقاليد المرتبطة بالمكان الذي يعيش فيه الفرد ويدخل في ذلك لكنة الكلام -شكل الملابس ......المهم يعني عندما يبدأ الفرد في الانتساب الي هوية اخري قاصدا بذلك ان يشتق منها ما يجعله يبدأ في تغيير هويته الثقافية - ابن الريف يتكلم بلكنة ابن المدينة و ابن المدينة يتكلم لغة تانية اصلا - ، اصلا بقي كل الهري ده عشان اقول ان تغيير الهوية الثقافية ينتج عن ضغط نأشي عن تصرفات الاخرين -التي تجعل الشخص يشعر بالدونية - مما يسبب تنصل الشخص من هويته ، غايته اذا كان الجيل الحالي وصل الي شبه تغيير كامل في الهوية فهل يجب علي الجيل القادم العودة لهويتنا الثقافية . و لا ايه الكلام ؟ 

طبعا " من وجهة نظري المتواضعة " العودة الي الهوية الثقافية يؤدي الي زيادة الاحساس بالانتماء لدي الشخص والذي يتولد عنه بالتبعية اهتمام الشخص بوطنه - نظافة الشارع - و من ثم الاهتمام بالتعليم و الثقافة و بذل عناية فائقة في العمل و مساعدة الاخرين . و كله عشانك انت يا بني انا عايز اشوفك احسن واحد في الدنيا      " dad's style " , و طبعا مصر هينوبها من الحب جانب.

* كل ما سبق هو رأي شخصي فاذا طلع هلس او كده سامحني \ سامحيني انا بس قولت اعمل "share"

The Awakening

can you be with the awakening ?, can you give up bad habits like cursing in public with loud voice . can you stop throwing things in the street , would you tell your friends not to do so ? , 

can you stop driving in wrong direction ? if you are in a taxi can you tell him not to drive in wrong direction or else you'll get out of the taxi.

-for the part  " am i the one to make Egypt A beautiful country? " 

everyone can , every action will help , every word would support.

Doing a good thing makes you - the one who does it - feel good .

try to be less angry , try to hel people , try to encourage others to do good stuff 

try to do something try to be with the AWAKENING 

سلامتك يا دماغي

سلامتك يا دماغي
الافكار .......في لحظات معينة الافكار في الدماغ تبقي عاملة زي الميا اللي بتغلي في براد الشاي
افكار كتير اكتر من اللازم و كل ما تيجي تمسك فكرة تلقيها طارت!!!طيب ابص للفكرة اللي بعدها
دابت
و في لحظات تاني يبقي في معاناة من "الجفاف الفكري" ساعتها تتمني سيل الافكار اللي كان شغال و ماكنتش ملاحق عليه يرجع تاني
بانسبة بقي
المشكلة في التوهان دا ان في وقت اكتر من اللازم بيضيع في و لا حاجة
طب و الحل
اول ما تجيلي فكرة باكتبها علي اي حاجة غالبا تليفوني و بعدين لما اقعد ابتدي افكر في الفكرة و ابعادها
اللي اجمل من كده طرح الفكرة علي الناس اي ناس هاتلقي ردود مكنتش مستنيها و احتمال يدوك حلول او
وسائل مساعده مكنتش عمرك هاتفكر فيها
ايه المغزي من الكلام دا كله والله ماعرف
اهو كلام زي اي كلام يمكن يفيد و يمكن تسخسر الوقت اللي ضيعته في قرايته